Day 955 Dec 06 17:32

Camelot

მითები და ლეგენდები-myths and legends

samuel eto'o |

Published in Georgia - Social interactions and entertainment - 1 - 28 Sep 18 06:22

სამუელ ეტოო - კამერუნელი ფეხბურთელი რომელიც დღეს თურქულ ,,ანთალიასდორის რიგებში ირიცხება. მას არაერთ დიდებულ გრანდში უთამაშია, როგორიც არის ,,რეალი, ,,ბარსელონა , ,,ინტერი ,,ჩელსი, ,,ევერტონი და ა.შ. 2003, 2004, 2005 და 2010 წლებში მოიპოვა აფრიკის საუკეთესო ფეხბურთელის წოდება. ასევე დაიკავა მესამე ადგილი ფიფა-ს წლის ფეხბურთელის ტიტულის ნომინანტთა შორის 2005 წელს. „ბარსელონაში“ გატარებული 5 სეზონის მანძილზე ეტოომ 100-ზე მეტი გოლის გატანა მოახერხა. ის არის ლა ლიგის რეკორდსმენი, როგორც აფრიკელ ფეხბურთელთა შორის ყველაზე მეტი ჩატარებული მატჩი ესპანეთის ჩემპიონატში. სამუელი გახდა პირველი პირველი ფეხბურთელი, რომელმაც ორჯერ ზედიზედ მოიგო ე.წ. ,,ტრებლის მოგება (ბარსელონა 2009, ინტერი 2010). ის გახდა ისტორიაში მეორე ფეხბურთელი, რომელმაც ჩემპიონთა ლიგის ორ ფინალში შეძლო გოლის გატანა.

2004 წლის ზაფხულში სამუელ ეტოო „ბარსელონაში“ გადავიდა. კლუბმა მის სანაცვლოდ 24 მილიონი ევრო გადაიხადა. მისი დებიუტი შედგა 29 აგვისტოს ლა ლიგის პირველ ტურში, „სანტანდერის რასინგის“ წინააღმდეგ. პირველივე სეზონში ეტოომ ლა ლიგის მოგება მოახერხა. 2005-2006 წლების სეზონი კიდევ უფრო წარმატებული გამოდგა. კამერუნელი გახდა ესპანეთის ჩემპიონატის, ესპანეთის სუპერთასისა და ჩემპიონთა ლიგის გამარჯვებული. ასევე მოიპოვა ლა ლიგის ბომბარდირის ტიტული. 2006 წლის ჩემპიონთა ლიგის ფინალში „არსენალის“ წინააღმდეგ ეტოომ მოახერხა გოლის გატანა, რომელმაც ანგარიში გაათანაბრა. საბოლოოდ მატჩი 2-1 დასრულდა.
მომდევნო წელი საკმაოდ წარუმატებლად დაიწყო, ვინაიდან ეტოომ სექტემბერში „ვერდერის“ წინააღმდეგ მენისკის ტრავმა მიიღო. კამერუნელს თითქმის ხუთი თვე დასჭირდა სრულად გამოსაჯანმრთელებლად. აღნიშნული სეზონი წარუმატებელი გამოდგა გუნდისთვისაც, რადგან „ბარსელონამ“ ვერცერთი ტიტულის მოპოვება ვერ შეძლო 2007 წელს. ასევე 2007-2008 წლების სეზონიც უტიტულო აღმოჩნდა ესპანური გუნდისთვის.

2008 წლის ზაფხულში გუნდში ხოსეპ გვარდიოლა მოვიდა. მან სრულიად ახალი „ბარსელონა“ ჩამოაყალიბა, რომლის მნიშვნელოვანი ფიგურა იყო სამუელ ეტოო. კამერუნელმა ლიონელ მესისა და ტიერი ანრისთან ერთად შეკრა თავდასხმის ტრიო, რომელმაც ჯამში ზუსტად 100 გოლის გატანა მოახერხა. 25 ოქტომბერს ეტოომ კლუბის ისტორიაში უსწრაფესი ჰეტ-ტრიკი შეასრულა (23 წუთში 3 გოლი) „ალმერიას“ წინააღმდეგ. მალევე, 8 ნოემბერს მან „ვალიადოლიდის“ წინააღმდეგ პირველივე ტაიმში შეძლო 4 გოლის გატანა. ჯამში ესპანეთის ჩემპიონატში 30 გოლის გატანა მოახერხა და მხოლოდ დიეგო ფორლანს ჩამორჩა პიჩიჩისთვის (ესპანეთის ჩემპიონატის ბომბარდირი) ბრძოლაში. ეტოოს უკანასკნელი მატჩი „ბარსელონაში“ ჩემპიონთა ლიგის ფინალი იყო 2009 წელს, „მანჩესტერ იუნაიტედის“ წინააღმდეგ, სადაც ანგარიშის გახსნა მოახერხა. საბოლოოდ მატჩი 2-0 დასრულა და ესპანური გუნდი ტრებლის მფლობელი გახდა. 
,,ბარსელონაში მან 8 ტიტულის აღმართვა მოახერხა (ლალიგა (3) კოპა დელ რეი (1) ჩემპიონთა ლიგა (2) ესპანეთის სუპერ-თასი (2). საერთო ჯამში კი მან 17 ტიტულის მოგება მოახერხა. 


ინდივიდუალური ჯილდოები
წლის საუკეთესო ახალგაზრდა აფრიკელი ფეხბურთელი (1): 2000
წლის საუკეთესო აფრიკელი ფეხბურთელი (4): 2003; 2004; 2005; 2010
ფიფპრო საუკეთესო თერთმეტეული (2): 2005; 2006
უეფა-ს წლის გუნდი (2): 2005; 2006
ფიფა-ს ოქროს ბურთი - მესამე ადგილი (1): 2005
აფრიკის ერთა თასის ბომბარდირი (2): 2006; 2008
ლა ლიგის ბომბარდირი (1): 2006
ჩემპიონთა ლიგის ფინალის საუკეთესო ფეხბურთელი (1): 2006
უეფა-ს წლის თავდამსხმელი (1): 2006
ფიფა-ს საკლუბო მსოფლიოს ჩემპიონატის ოქროს ბურთი (1): 2010
კოპა იტალიას ბომბარდირი (1): 2010-2011
რუსეთის პრემიერლიგის საუკეთესო ფეხბურთელი (1): 2012-2013
აფრიკის ერთა თასის ყველა დროის ბომბარდირი
მალიორკას ყველა დროის ბომბარდირი
კამერუნის ყველა დროის ბომბარდირი

Support

Comments (1)

28 Sep 18 19:24
DonG

Pole